മാണിക്കോത്ത്‌: നാലുവര്‍ഷക്കാലത്തെ ഇടതു മുന്നണി ഭരണം കേരളീയ സമൂഹത്തിന്‌ പൊതുവിലും ന്യൂനപക്ഷങ്ങള്‍ക്ക്‌ പ്രത്യേകിച്ചും ദുരിതം സമ്മാനിച്ചതായി അജാനൂര്‍ പഞ്ചായത്ത്‌ നാലാം വാര്‍ഡ്‌ മാണിക്കോത്ത്‌ ശാഖാ മുസ്‌ലിം ലീഗ്‌ പൊതുയോഗത്തിലെ പ്രസംഗകര്‍ അഭിപ്രായപ്പെട്ടു.
തെരഞ്ഞെടുപ്പു വേളകളില്‍ ന്യൂനപക്ഷ പ്രേമം നടിച്ച്‌ വോട്ട്‌ തട്ടി അധികാരത്തിലേറിയ ഭൂരിപക്ഷത്തെ പ്രീണിപ്പിക്കുന്ന രാഷ്‌ട്രീയ ഫാസിസമാണ്‌ സി.പി.എം. എക്കാലവും തുടര്‍ന്നുവരുന്നത്‌. മഡിയന്‍ കൊളത്തുങ്കാല്‍ കുഞ്ഞാമദ്‌ നഗറില്‍ വാര്‍ഡ്‌ ലീഗ്‌ പ്രസിഡണ്ട്‌എം.എം. അബ്‌ദുല്‍ റഹ്‌മാന്റെ അധ്യക്ഷതയില്‍ ജില്ലാ മുസ്‌ലിം ലീഗ്‌ വൈസ്‌ പ്രസിഡണ്ട്‌ പി. മുഹമ്മദ്‌കുഞ്ഞി മാസ്റ്റര്‍ പൊതുയോഗം ഉദ്‌ഘാടനം ചെയ്‌തു. മണ്‌ഡലം മുസ്‌ലിം ലീഗ്‌ സെക്രട്ടറി ബഷീര്‍ വെള്ളിക്കോത്ത്‌ മുഖ്യപ്രഭാഷണം നടത്തി. പള്ളിക്കര ഗ്രാമപഞ്ചായത്ത്‌ 17-ാം വാര്‍ഡ്‌ ഉപതെരഞ്ഞെടുപ്പില്‍ റിക്കാര്‍ഡ്‌ ഭൂരിപക്ഷത്തോടെ വിജയിച്ച മുസ്‌ലിം ലീഗ്‌ പ്രതിനിധി കെ.എം.അബ്‌ദുല്‍ റഹ്‌മാനെ പി. മുഹമ്മദ്‌കുഞ്ഞിമാസ്റ്റര്‍ ഷാളണിയിച്ചു.
സംസ്ഥാന സ്‌കൂള്‍ കലോത്സവത്തില്‍ തിളക്കമാര്‍ന്ന വിജയം കരസ്ഥമാക്കിയ ഹഫ്‌സത്ത്‌ ചിത്താരിക്ക്‌ യു.എ.ഇ.കെ.എം.സി.സി. ഓര്‍ഗ സെക്രട്ടറി എ.പി. ഉമ്മര്‍ ഉപഹാരം സമര്‍പ്പിച്ചു. മണ്‌ഡലം മുസ്‌ലിംലീഗ്‌ ജോ.സെക്രട്ടറി മുബാറക്ക് ഹസൈനാര്‍ ഹാജി, പഞ്ചായത്ത്‌ ലീഗ്‌ പ്രസിഡണ്ട്‌ സി.എം. ഖാദര്‍ ഹാജി, സെക്രട്ടറി യു.വി.ഹസൈനാര്‍,ജോ. സെക്രട്ടറിമാരായ നജീബ്‌ പീടികയില്‍, അബ്‌ദുസ്സലാം പാലക്കി പ്രസംഗിച്ചു. എം. പി. നൗഷാദ്‌ സ്വാഗതവും യു.വി. മൂസ ഹാജി നന്ദിയും പറഞ്ഞു. ഖത്തര്‍ മലപ്പുറം കെ.എം.സി.സി.യുടെ കീഴിലുള്ള ഗ്രീന്‍ വേവ്‌സിന്റെ രാഷ്‌ട്രീയ ഹാസ്യ കഥാ പ്രസംഗവുമുണ്ടായിരുന്നു.
News Report
0 comments:
Post a Comment