20 ഹെക്ടര്‍ പുല്‍ക്കാട് കത്തിനശിച്ചു

അജാനൂര്‍: ചേറ്റുകുണ്ട് പടിഞ്ഞാറ്, പൂച്ചക്കാട് എന്നിവിടങ്ങളിലെ ബി.ആര്‍.ഡി.സിയുടെ 20 ഹെക്ടര്‍ സ്ഥലത്തെ പുല്‍ക്കാട് കത്തിനശിച്ചു. ഞായറാഴ്ച ഉച്ചയ്ക്ക് 12 മണിയോടെയാണ് സംഭവം. വിവരമറിഞ്ഞെത്തിയ കാഞ്ഞങ്ങാട് അഗ്നിശമനസേന മണിക്കൂറുകളോളം ശ്രമിച്ചാണ് തീയണച്ചത്. റെയില്‍വേ ട്രാക്കുകളുള്ളതിനാല്‍ ഫയര്‍ഫോഴ്സ് വണ്ടിയില്‍ വെള്ളമെത്തിക്കാന്‍ പ്രയാസപ്പെട്ടു. തെങ്ങില്‍ കയറി ഓലവെട്ടിയാണ് പി.ടി. ജോണിന്റെ നേതൃത്വത്തിലുള്ള ഫയര്‍ഫോഴ്സ് തീകെടുത്തിയത്. രണ്ട് വീടുകള്‍ മാത്രമാണ് ഈഭാഗത്തുള്ളത്. അതേസമയം, വയലുകളില്‍ പുകയിലച്ചെടികള്‍ കൊത്തിയെടുത്ത് ഉണക്കാനിട്ടിരുന്നു.