News Highlight: പ്രശസ്ത പണ്ഡിതന്‍ ആല്‍ ശൈഖ്‌ സഈദ്‌ സിയാനി വാഹനാപകടത്തില്‍ മരിച്ചു

ഷാര്‍ജ:പ്രശസ്ത ഇസ്ളാമിക പണ്ഡിതന്‍ ആല്‍ ശൈഖ്‌ സഈദ്‌ അല്‍ സിയാനി വാഹനാപകടത്തില്‍ മരിച്ചു. കഴിഞ്ഞ ദിവസം അബൂദബിക്കടുത്തായിരുന്നു അപകടം. സൌദി അറേബ്യയില്‍നിന്ന്‌ മടങ്ങിവരികയായിരുന്ന ഇദ്ദേഹം സഞ്ചരിച്ച വാഹനം അപകടത്തില്‍പെടുകയായിരുന്നു. മൊറോക്കോയില്‍ ജനിച്ച ഇദ്ദേഹം ഷാര്‍ജയിലായിരുന്നു താമസം. മയ്യിത്ത്‌ നമസ്കാരം ഇന്ന്‌ ഷാര്‍ജയിലെ അല്‍ സബാഹ പള്ളിയില്‍ നടക്കും. ഇസ്ളാമിക ലോകത്ത്‌ ഏറെ അറിയപ്പെടുന്ന അല്‍ സിയാനി മൊറോക്കോയിലെ റബാത്തിലാണ്‌ ജനിച്ചത്‌. പിന്നീട്‌ ഖത്തറില്‍ പൌരത്വം സ്വീകരിച്ചു. ഇമാമായും മികച്ച പ്രഭാഷകനായും ഇസ്ളാമിക സേവനത്തില്‍ ഏര്‍പെട്ട അല്‍ സിയാനി പത്രപ്രവര്‍ത്തകന്‍ കൂടിയായിരുന്നു.