കൊളവയലില്‍ വിവാഹ സംഘത്തെ ആക്രമിച്ചു; പോലീസ് ലാത്തി വീശി

on Oct 25, 2009

അജാനൂര്‍: കൊളവയലില്‍ വിവാഹ സംഘത്തെ ആക്രമിച്ചതുമായി ബന്ധപ്പെട്ടുണ്ടായ സംഭവത്തെ തുടര്‍ന്ന്‍ പോലീസ് ലാത്തി വീശി. ഞായറാഴ്ച വൈകിട്ടോടെയായിരുന്നു സംഭവം. പൂച്ചക്കാട്ടെ വരനെ ആനയിച്ച് കൊണ്ടെത്തിയ സംഘത്തെ കൊളവയല്‍ കാറ്റാടിയില്‍ വെച്ചാണ് ഒരു സംഘം ആക്രമിച്ചത്. സംഘര്‍ഷത്തെ തുടര്‍ന്ന്‍ ഇരു വിഭാഗങ്ങള്‍ സംഘടിച്ച് രൂക്ഷമായ കല്ലേറു നടത്തിയിരുന്നു. വിവരമ്മറിഞ്ഞെത്തിയ ഹൊസ്ദുര്‍ഗ് പോലീസ് സംഘടിച്ചെത്തിയവരെ പിരിച്ചു വിടാനാണ് ലാത്തി വീശിയത്. കൊളവയലിലെ വധുവിന്റെ വീട്ടിലേക്ക് പൂച്ചക്കാട്ടെ വരന്റെ വീട്ടില്‍ക് നിന്നും വന്ന ബൈക്കില്‍ സഞ്ചരിക്കുകയായിരുന്ന രണ്ടു പേരെ ബൈക്ക് റൈസ് നടത്തിയെന്നാരോപിച്ച് തടഞ്ഞതോടെയാണ് സംഘര്‍ഷത്തിന് തുടക്കം കുറിച്ചത്. സ്ഥലത്ത് നിന്നും അഞ്ചോളം ബൈക്കുകള്‍ കസ്റ്റഡിയിലെടുത്ത് ലോറിയില്‍ പോലീസ് സ്റ്റേഷനിലേക്ക് കൊണ്ടുപോയിട്ടുണ്ട്. ഏതാനും വാഹനങ്ങള്‍ക്ക് കേടുപാടുകള്‍ സംഭവിച്ചിട്ടുണ്ട്.

0 comments:

Post a Comment

DESIGN AND CONCEPT By Shafi Mubarak, Chithari ശാഫി മുബാറക്ക് ചിത്താരി Email :shafichithari@gmail.com