കലാജാഥ പരിശീലന ക്യാംപിന്‌ തുടക്കം

കാഞ്ഞങ്ങാട്‌: റാഗിങ്ങ്‌, വര്‍ഗീയത, മതതീവ്രവാദം എന്നിവയ്ക്കെതിരെ കണ്ണൂറ്‍ സര്‍വകലാശാലാ യൂണിയന്‍ സംഘടിപ്പിക്കുന്ന കലാജാഥയുടെ പരിശീലന ക്യാമ്പ്‌ രാവണീശ്വരത്ത്‌ തുടങ്ങി. ഡയറക്ടര്‍ അനില്‍ നരിക്കോടിണ്റ്റെ നേതൃത്വത്തില്‍ വിവിധ കോളജുകളില്‍ നിന്നായി തിരഞ്ഞെടുക്കപ്പെട്ട ൨൦ കലാകാരന്‍മാരാണ്‌ കലാജാഥയില്‍ പങ്കെടുക്കുന്നത്‌. കെ. വി. കുഞ്ഞിരാമന്‍ എംഎല്‍എ ഉദ്ഘാടനം ചെയ്‌തു. സംഘാടക സമിതി ചെയര്‍മാന്‍ ബി. ബാലകൃഷ്ണന്‍ അധ്യക്ഷത വഹിച്ചു. യൂണിയന്‍ ചെയര്‍മാന്‍ റോബര്‍ട്ട്‌ ജോര്‍ജ്‌, സെക്രട്ടറി ടി. വി. രജീഷ്‌ കുമാര്‍, ഡോ. എ. അശോകന്‍ എന്നിവര്‍ പ്രസംഗിച്ചു.