ചേറ്റുകുണ്ട്‌ റെയില്‍വെഗേറ്റ്‌ തുറക്കാന്‍ നടപടിയുണ്ടാകും -കുഞ്ഞിരാമന്‍ എം.എല്‍.എ.

ഉദുമ: കഴിഞ്ഞ ഒരാഴ്‌ചയായി അടച്ചിട്ടിരിക്കുന്ന ചേറ്റുകുണ്ട്‌ റെയില്‍വെ ഗേറ്റ്‌ തുറന്നുകൊടുക്കുന്നതിനാവശ്യമായ നടപടി ഉണ്ടാകുമെന്ന്‌ റെയില്‍വെ മന്ത്രാലയം അറിയിച്ചതായി ഉദുമ എം.എല്‍.എ. കെ.പി.കുഞ്ഞിരാമന്‍ അറിയിച്ചു. റെയില്‍വെ മന്ത്രി, ഉന്നത ഉദ്യോഗസ്ഥര്‍ എന്നിവര്‍ക്ക്‌ നിവേദനംനല്‍കിയിരുന്നു. ചേറ്റുകുണ്ട്‌റെയില്‍വെ ഗേറ്റ്‌അടച്ചിതോടെ ചിത്താരി, ചേറ്റുകുണ്ട്‌ പ്രദേശത്തെ നൂറുകണക്കിന്‌ കുടുംബങ്ങള്‍ ഒറ്റപ്പെട്ടിരിക്കുകയാണ്‌. ബേക്കല്‍ റിസോര്‍ട്‌സ്‌ ഡെവലപ്‌മെന്റ്‌ കോര്‍പ്പറേഷന്‍ (ബി.ആര്‍.ഡി.സി) ഗഡുക്കളായി പണംഅടക്കാമെന്ന്‌ സമ്മതിച്ചിട്ടുണ്ട്‌. റോഡ്‌, ഹാര്‍ബര്‍ എന്നിവയുടെ നിര്‍മാണവും ഗേറ്റ്‌ അടച്ചതോടെ നിലച്ചുവെന്ന വിവരങ്ങള്‍ ചൂണ്ടിക്കാട്ടിയാണ്‌ എം.എല്‍.എ. ഡല്‍ഹിയിലെത്തി ബന്ധപ്പെട്ടവര്‍ക്ക്‌ നിവേദനംനല്‌കിയത്‌.