എസ്‌.കെ.എസ്‌.എസ്‌.എഫ്‌. ശിഹാബ്‌ തങ്ങള്‍ റിലീഫ്‌ സെല്‍

കാഞ്ഞങ്ങാട്‌: മുക്കൂട്‌ ശാഖാ എസ്‌.കെ.എസ്‌.എസ്‌.എഫ്‌. ശിഹാബ്‌ തങ്ങളുടെ സ്‌മരണാര്‍ത്ഥം മുക്കൂട്‌ ജമാഅത്തിന്റെ കീഴിലുള്ള മൂന്നു മദ്രസകളിലെ മൂന്നൂറോളം വിദ്യാര്‍ത്ഥികള്‍ക്ക്‌ പാഠപുസ്‌തകവും ഒരു പെണ്‍കുട്ടിക്ക്‌ വിവാഹ സഹായമായി കാല്‍ ലക്ഷം രൂപയും നല്‍കി.
റിലീഫ്‌ കമ്മിറ്റി ചെയര്‍മാന്‍ മാളികയില്‍ അബ്ബാസിന്റെ അധ്യക്ഷതയില്‍ കാഞ്ഞങ്ങാട്‌ സംയുക്ത ജമാഅത്ത്‌ പ്രസിഡണ്ട്‌ മെട്രോ മുഹമ്മദ്‌ ഹാജി വിതരണം ഉദ്‌ഘാടനം ചെയ്‌തു. സി.എം. കുഞ്ഞാമദ്‌, പി. അബൂബക്കര്‍, കാരയില്‍ മൊയ്‌തു ഹാജി, കെ.കെ. മുഹമ്മദ്‌കുഞ്ഞി, എം.എം. കെ. കുഞ്ഞഹമ്മദ്‌, റിയാസ്‌ അയ്യൂബ്‌, തായല്‍ യൂസുഫ്‌ സംബന്ധിച്ചു.