അജാനൂര്‍ കടപ്പുറത്ത് കടലാക്രമണം രൂക്ഷം

on Jun 17, 2010

കാഞ്ഞങ്ങാട്: കാലവര്‍ഷം കനത്തതോടെ അജാനൂര്‍ കടപ്പുറത്ത് കടലാക്രമണം രൂക്ഷമായി. രണ്ട് ദിവസമായി വന്‍ തോതില്‍ കരയിടിയുകയും തെങ്ങിന്‍തൈകള്‍ കടലെടുക്കുകയും ചെയ്തു. കടല്‍ഭിത്തി ഇല്ലാത്ത സ്ഥലങ്ങളിലാണ് തീവ്രത കൂടിയത്. കാര്‍ത്ത്യായനി, ഉമാവതി, പത്മാവതി, സാവിത്രി, അശോകന്‍ എന്നിവരുടെ വീടുകള്‍ കടലെടുക്കുമെന്ന ഭീഷണിയിലാണ്. ഈ വീടുകളുടെ ഭാഗത്ത് 100 മീറ്ററോളം നീളത്തില്‍ കടല്‍ഭിത്തി കെട്ടിയിട്ടില്ല. ഇവിടെ കടല്‍ഭിത്തി നിര്‍മിക്കണമെന്ന് ആവശ്യപ്പെട്ടപ്പോള്‍ ഫണ്ട് തീര്‍ന്നുവെന്നാണ് അധികൃതര്‍ അറിയിച്ചതെന്ന് നാട്ടുകാര്‍ പറഞ്ഞു.കടല്‍ക്കരയോട് ചേര്‍ന്നുള്ള തീരദേശ റോഡും അപകട ഭീഷണിയിലാണ്. റോഡരികുവരെ കടലെടുത്തിട്ടുണ്ട്. തെങ്ങുകള്‍ ഏതുനിമിഷവും നിലംപതിക്കാവുന്ന അവസ്ഥയിലാണ്. കഴിഞ്ഞദിവസം രാത്രി റോഡില്‍ വെള്ളം കയറിയിരുന്നു.

0 comments:

Post a Comment

DESIGN AND CONCEPT By Shafi Mubarak, Chithari ശാഫി മുബാറക്ക് ചിത്താരി Email :shafichithari@gmail.com