ഐ.എന്‍.എല്‍. തീരുമാനം ബുദ്ധി പരം: സി.ടി

on Jun 4, 2010

കാസര്‍കോട്‌: ഇടതു മുന്നണിയുമായുള്ള ബന്ധം വിഛേദിച്ച നാഷണല്‍ ലീഗ്‌ തീരുമാനം ധീരവും തദ്ദേശ സ്വയം ഭരണ തെരഞ്ഞെടുപ്പില്‍ യു.ഡി.എഫുമായി സഹകരിച്ച്‌ പ്രവര്‍ത്തിക്കാനുള്ള തീരുമാനം ബുദ്ധിപരവുമാണെന്ന്‌ മുസ്‌ലിം ലീഗ്‌ നിയമസഭാ പാര്‍ട്ടി ലീഡര്‍ സി.ടി.അഹമ്മദലി അഭിപ്രായപ്പെട്ടു. പഞ്ചായത്ത്‌ രാജ്‌ നിയമം പ്രാബല്യത്തില്‍ വന്നതിനു ശേഷം ഗ്രാമങ്ങളുടെ പുരോഗതിയും ജനങ്ങളുടെ ക്ഷേവും ഉറപ്പു വരുത്തേണ്ട മിനി സര്‍ക്കാറുകളാണ്‌ തദ്ദേശ സ്വയംഭരണ സ്ഥാപനങ്ങള്‍. സംസ്ഥാനത്ത്‌ ഇന്ന്‌ ഇടതു പക്ഷം ഭരിക്കുന്നിടത്തെല്ലാം വികസനം പ്രാവര്‍ത്തികമാക്കുന്നതിനും വിവിധ സഹായങ്ങള്‍ക്കായി ഗുണഭോക്താക്കളെ തെരഞ്ഞെടുക്കുന്നതും പാര്‍ട്ടി പ്രവര്‍ത്തനവും അംഗത്വവും മാനദണ്‌ഡമാക്കി രാഷ്‌ട്രീയ കൈകടത്തല്‍ നടത്തിയിരിക്കുകയാണ്‌. നാഷണല്‍ ലീഗ്‌ പിന്തുണയോടെ കൂടുതല്‍ തദ്ദേശ സ്വയംഭരണ സ്ഥാപനങ്ങള്‍ യു.ഡി.എഫിന്‌ നേടാനും വിഭാഗീയത കാണാതെ വികസന പ്രവര്‍ത്തനങ്ങള്‍ക്ക്‌ നേതൃത്വം നല്‍കാനും കഴിയും സി.ടി. പറഞ്ഞു.

0 comments:

Post a Comment

DESIGN AND CONCEPT By Shafi Mubarak, Chithari ശാഫി മുബാറക്ക് ചിത്താരി Email :shafichithari@gmail.com