ഇന്‍ഫര്‍മേഷന്‍ സെന്റര്‍ തുറന്ന് പ്രവര്‍ത്തിപ്പിക്കാന്‍ റെയില്‍വേ മന്ത്രിക്ക് നിവേദനം നല്‍കി

കാഞ്ഞങ്ങാട്: ഒരുവര്‍ഷമായി പൂട്ടിക്കിടക്കുന്ന കാഞ്ഞങ്ങാട് റെയില്‍വെ സ്റ്റേഷനിലെ ഇന്‍ഫര്‍മേഷന്‍ സെന്റര്‍ തുറന്ന് പ്രവര്‍ത്തിപ്പിക്കാന്‍ വേണ്ട ജീവനക്കാരെ നിയമിക്കണമെന്ന് ആവശ്യപ്പെട്ട് കേന്ദ്ര റെയില്‍വെ സഹമന്ത്രി ഇ.അഹമ്മദിന് കാഞ്ഞങ്ങാട് റെയില്‍വെ പാസഞ്ചേഴ്‌സ് അസോസിയേഷന്‍ പ്രസിഡന്റ് ടി.മുഹമ്മദ് അസ്‌ലം നിവേദനംനല്‍കി.
നാല് ജീവനക്കാരുള്‍പ്പെടെ എല്ലാ സൗകര്യങ്ങളുമുണ്ടായിരുന്ന ഇന്‍ഫര്‍മേഷന്‍ സെന്റര്‍ പൂട്ടിയതിനെ തുടര്‍ന്ന് യാത്രക്കാര്‍ അനുഭവിക്കുന്ന പ്രയാസങ്ങള്‍ മന്ത്രിയെക്കണ്ട് ധരിപ്പിച്ചു. സെന്ററിനകത്ത് ഉപയോഗിക്കാതെ കിടക്കുന്ന 2204444 ഫോണ്‍ യാത്രക്കാര്‍ക്ക് പ്രയോജനപ്പെടുത്താന്‍ നടപടിവേണമെന്ന ആവശ്യവും ഉന്നയിച്ചു.