മുഖ്യ മന്ത്രിയുടെ പ്രസ്താവന തീവ്രവാദികള്‍ക്ക് വളമാകാന്‍ ഉപകരിക്കുന്നത്: SYS

on Jul 27, 2010

കാസര്‍കോട്: ഒരു തീവ്രവാദ സംഘടനയെ ആക്ഷേപിക്കാനെന്ന രൂപത്തില്‍ മുഖ്യമന്ത്രി മുസ്ലിം സമൂഹത്തിനെതിരെ നടത്തിയ വിവാദ പ്രസ്താവന തീവ്രവാദ വര്‍ഗീയ ശക്തികള്‍ക്ക് വളരാന്‍ വളം വെക്കുന്ന രൂപത്തിലായിപ്പോയെന്ന് എസ്.വൈ.എസ് ജില്ലാ പ്രസിഡന്റ് പള്ളങ്കോട് അബ്ദുല്‍ ഖാദിര്‍ മദനി പ്രസതാവനയില്‍ പറഞ്ഞു. രാഷ്ട്രീയ ലാഭത്തിനു വേണ്ടി മതവികാരം ചൂഷണം ചെയ്യുന്ന വിരലിലെണ്ണാവുന്ന ചിലര്‍ നടത്തുന്ന ഹീന പ്രവര്‍ത്തനങ്ങളെ വിമര്‍ശിക്കുന്നതിന് പകരം മുസ്ളിം സമൂഹത്തെ അടിച്ചാക്ഷേപിക്കുന്ന രൂപത്തില്‍ മുഖ്യമന്ത്രി നടത്തിയ പ്രസ്താവന ഉചിതമായില്ലെന്നാണ് എസ്.വൈ.എസിന്റെ അഭിപ്രായം. അധ്യാപകന്റെ കൈവെട്ടിയ സംഭവത്തെ മുസ്ളിം സമൂഹം ഒന്നാകെ അപലപിച്ചിട്ടുള്ളതും അതില്‍ ഉള്‍പെട്ടുവെന്ന് ആരോപിക്കപ്പെടുന്ന സംഘടനയെ സമൂഹം അവഗണിച്ച് മാറ്റി നിര്‍ത്തിയിട്ടുള്ളതുമാണ്. വസ്തുത ഇതായിരിക്കെ മതങ്ങള്‍ക്കിടയില്‍ തെറ്റിദ്ധാരണ പരത്തി സമൂഹത്തില്‍ ഇടം നേടാന്‍ ശ്രമിക്കുന്ന ശക്തികളെ സന്തോഷിപ്പിക്കുന്ന തരത്തിലായിപ്പോയി മുഖ്യ മന്ത്രിയുടെ പ്രസ്താവന.വിവാദങ്ങള്‍ക്ക് ഇടവരുത്തും വിധം പ്രസ്താവനകള്‍ പുറപ്പെടുവിക്കുന്നത് അവസാനിപ്പിക്കാന്‍ മുഖ്യമന്ത്രി തയ്യാറാകണമെന്നും ആവശ്യപ്പെടുന്നു

0 comments:

Post a Comment

DESIGN AND CONCEPT By Shafi Mubarak, Chithari ശാഫി മുബാറക്ക് ചിത്താരി Email :shafichithari@gmail.com