ശിഹാബ്‌ തങ്ങള്‍ സ്‌നേഹസ്‌മൃതി സമദാനി പ്രസംഗിക്കും

അജാനൂര്‍: അതിഞ്ഞാല്‍ മേഖലാ മുസ്ലിംലീഗ്‌ കമ്മിറ്റിയുടെയും അജാനൂര്‍ പഞ്ചായത്ത്‌ കെ.എം.സി.സിയുടെയും സംയുക്താഭിമുഖ്യത്തില്‍ ശിഹാബ്‌ തങ്ങള്‍ അനുസ്‌മരണം സ്‌നേഹസ്‌മൃതി ആയി ആചരിക്കും. ഓഗസ്റ്റ്‌ രണ്ടിന്‌ രണ്ടുമണിക്ക്‌ അജാനൂര്‍ നൂര്‍മഹല്‍ ഗ്രൗണ്ടില്‍ സജ്ജീകരിച്ച പി.കെ.യൂസുഫ്‌ നഗറില്‍ നടക്കുന്ന സ്‌നേഹസ്‌മൃതിയില്‍ മുസ്ലിംലീഗ്‌ അഖിലേന്ത്യ സെക്രട്ടറി അബ്‌ദുസ്സമദ്‌ സമദാനി പ്രഭാഷണം നടത്തും. വിവിധ സമുദായ നേതാക്കള്‍ പ്രസംഗിക്കും. പരിപാടിയുടെ വിജയകരമായ നടത്തിപ്പിന്‌ പി.മുഹമ്മദ്‌ കുഞ്ഞി മാസ്റ്റര്‍(രക്ഷാധികാരി), എ.പി.ഉമ്മര്‍(ചെയ.), ഖാലിദ്‌ അറബിക്കാടത്ത്‌(ജന.കണ്‍.), തെരുവത്ത്‌ മൂസ ഹാജി(ട്രഷ.), പാലാട്ട്‌ ഹുസൈന്‍, സി.എച്ച്‌.സുലൈമാന്‍(വൈ.ചെയ.), കെ.കെ.മൊയ്‌തീന്‍ കുഞ്ഞി, പി.ബി.കുഞ്ഞബ്‌ദുള്ള(ജോ.കണ്‍.) എന്നിവരടങ്ങിയ വിപുലമായ സ്വാഗതസംഘം രുപീകരിച്ച്‌ പ്രവര്‍ത്തനം ആരംഭിച്ചു.