രണ്ടരകോടിയുമായി ചെരുപ്പ് വ്യാപാരി മുങ്ങിയതായി പരാതി

കാഞ്ഞങ്ങാട്: രണ്ടര കോടിയുമായി കാഞ്ഞങ്ങാട് നഗരത്തിലെ ചെരുപ്പ് വ്യാപാരി മുങ്ങിയതായി പരാതി. ബ്ലേഡിനും, കച്ചവടത്തിലെ ലാഭവിഹിതം വാഗ്ദാനം ചെയ്തുമാണ് പലരില്‍ നിന്നായി യുവ വ്യാപാരി പണം വാങ്ങിയതെന്നാണ് പരാതി. എന്നാല്‍ നല്‍കിയ പണത്തിന് പലതിനും രേഖകള്‍ ഇല്ലെന്നതിനാല്‍ ഇനിയും ആരും പോലീസില്‍ പരാതിയുമായി എത്തിയിട്ടില്ല. യുവാവ് സിംഗപ്പൂരിലേക്ക് കടന്നതായാണ് വിവരം. പള്ളിക്കര, അജാനൂര്‍, അതിഞ്ഞാല്‍, പയ്യന്നൂര്‍, പരപ്പ, തുടങ്ങിയ പ്രദേശത്തുള്ളവരില്‍ നിന്നുമാണ് യുവാവ് പണം വാങ്ങിയിരുന്നത്. പത്ത് ലക്ഷം മുതല്‍ 50 ലക്ഷം രൂപവരെ പണം നല്‍കിയവരും കൂട്ടത്തിലുണ്ട്.