മൊബൈല്‍ ഫോണ്‍ മോഷ്ടാവും വാങ്ങുന്ന ഷോപ്പ്‌ ഉടമയെയും പിടിയില്‍

on Jul 18, 2010

കാഞ്ഞങ്ങാട്‌: മൊബൈല്‍ ഫോണ്‍ മോഷ്ടാവിനെയും മോഷ്ടിച്ച മൊബൈല്‍ഫോണുകള്‍ നിസാരവിലയ്‌ക്ക്‌ വാങ്ങുന്ന മൊബൈല്‍ ഷോപ്പ്‌ ഉടമയെയും ഹൊസ്‌ദുര്‍ഗ്‌ പൊലീസ്‌ അറസ്‌റ്റ്‌ ചെയ്‌തു. കാഞ്ഞങ്ങാട്‌ അതിഞ്ഞാലിലെ മൊബൈല്‍ ഷോപ്പ്‌ ഉടമ എം ബി ഇബ്രാഹിം (35), മൊബൈല്‍ ഫോണ്‍ മോഷ്ടാവ്‌ പനയാല്‍ നെല്ലിയടുക്കത്തെ ജഗദീഷ്‌ (24) എന്നിവരെയാണ്‌ അറസ്‌റ്റ്‌ ചെയ്‌തത്‌. വിവാഹവീടുകളില്‍ നിന്നും വാഹനങ്ങളില്‍ നിന്നും മൊബൈല്‍ഫോണുകള്‍ മോഷ്ടിച്ച്‌ അതിഞ്ഞാലിലെ ഇബ്രാഹിമിന്റെ കടയില്‍ വില്‍പന നടത്തുകയായിരുന്നു. ഇത്തരത്തില്‍ വില്‍പന നടത്തിയ ഒമ്പത്‌ മൊബൈല്‍ഫോണുകള്‍ ഇബ്രാഹിമിന്റെ കടയില്‍ നിന്ന്‌ പൊലീസ്‌ പിടിച്ചെടുത്തു. ഇതില്‍ നിന്ന്‌ വ്യാജസിംകാര്‍ഡുകളും കണ്ടെടുത്തതായി സൂചനയുണ്ട്‌.

0 comments:

Post a Comment

DESIGN AND CONCEPT By Shafi Mubarak, Chithari ശാഫി മുബാറക്ക് ചിത്താരി Email :shafichithari@gmail.com