വാണിയമ്പാറ പാലം ഗതാഗത യോഗ്യമാക്കണം

ചിത്താരി: രാവണീശ്വരത്തെയും സമീപ പ്രദേശങ്ങളിലെയും ജനങ്ങള്‍ കാഞ്ഞങ്ങാട് നഗരവുമായി ഏറ്റവും എളുപ്പത്തില്‍ ബന്ധപ്പെടാന്‍ ഉപയോഗിക്കുന്ന അള്ളംകോട് പാലം കൂളിക്കാട് റോഡിന്റെ സോളിങ് പൊട്ടിപ്പൊളിഞ്ഞു നടന്നുപോകാന്‍ പോലും പറ്റാത്ത അവസ്ഥയിലായി. റോഡ് ടാറിങ് നടത്തി ഗതാഗതയോഗ്യമാക്കണമെന്നു വാണിയംപാറ എം.ഹരിദാസ് സ്മാരക ഗ്രന്ഥാലയം ആവശ്യപ്പെട്ടു. യോഗം ഗംഗാധരന്‍ വടക്കേവീട് ഉദ്ഘാടനം ചെയ്തു. ഈശ്വരന്‍ നമ്പൂതിരി അധ്യക്ഷത വഹിച്ചു. കെ.രാജേന്ദ്രന്‍, എം.പി.നാരായണന്‍, നാരായണന്‍ പാറമ്മല്‍, രാമകൃഷ്ണന്‍ എന്നിവര്‍ പ്രസംഗിച്ചു.