ടോള്‍ഫ്രീ നമ്പറില്‍ വിളിച്ചു; എന്‍ജിനിയര്‍മാര്‍ ഓടിയെത്തി കുഴി നികത്തി

കാഞ്ഞങ്ങാട്: തിരുവനന്തപുരത്തെ പൊതുമരാമത്ത് വകുപ്പ് ഓഫീസിലെ ടോള്‍ഫ്രീ നമ്പറിലേക്ക് വിളിച്ച് പരാതിപ്പെട്ടപ്പോള്‍ ബന്ധപ്പെട്ട എന്‍ജിനീയര്‍മാരെത്തി റോഡിലെ കുഴികളടച്ചു. കാഞ്ഞങ്ങാട് പുതിയകോട്ട മുതല്‍ കോട്ടച്ചേരി വരെയുള്ള റോഡിലെ കുഴികളാണ് ശനിയാഴ്ച പൊതുമരാമത്ത് എന്‍ജിനീയര്‍മാരുടെ നേതൃത്വത്തില്‍ നികത്തിയത്.കാഞ്ഞങ്ങാട് വാഹന ഇടപാട് സ്ഥാപനം നടത്തുന്ന സണ്ണി സെബാസ്റ്റ്യനാണ് ടോള്‍ ഫ്രീ നമ്പറിലേക്ക് വിളിച്ച് കുഴികള്‍ രൂപപ്പെട്ട കാര്യം ബന്ധപ്പെട്ടവരുടെ ശ്രദ്ധയില്‍ പെടുത്തിയത്. ഒരുമാസം മുമ്പ് റീടാര്‍ ചെയ്ത റോഡിലാണ് കുഴികള്‍ രൂപപ്പെട്ടത്.