ആധുനിക സൗകര്യമുള്ള തീരദേശ ആസ്‌പത്രി സ്ഥാപിക്കണമെന്ന് നഗരസഭ

കാഞ്ഞങ്ങാട്: നഗരസഭാ പരിധിയിലുള്ള തീരദേശത്ത് ആധുനിക സൗകര്യങ്ങളോടുകൂടിയ ആസ്​പത്രി സ്ഥാപിക്കണമെന്ന് കാഞ്ഞങ്ങാട് നഗരസഭാ കൗണ്‍സില്‍ യോഗം ആവശ്യപ്പെട്ടു. ചെയര്‍മാന്‍ അഡ്വ. എന്‍.എ.ഖാലിദ് അവതരിപ്പിച്ച പ്രമേയം എം.കുഞ്ഞികൃഷ്ണന്‍ പിന്താങ്ങി. കൗണ്‍സില്‍ യോഗം ഐക കണേ്ഠ്യന പ്രമേയം പാസാക്കി. ചെമ്മട്ടംവയലിലെ ജില്ലാ ആസ്​പത്രിയിലെത്താന്‍ തീരദേശവാസികള്‍ ഏറെ പ്രസായമനുഭവിക്കുന്നതായി പ്രമേയം ചൂണ്ടിക്കാട്ടി. കുശാല്‍നഗര്‍, കോട്ടച്ചേരി, ഇക്ബാല്‍ ഹൈസ്‌കൂള്‍ എന്നിവിടങ്ങളിലെ റെയില്‍വേ ഗേറ്റ് കടന്ന് വേണം തീരദേശത്തുനിന്ന് നഗരത്തിലെത്താന്‍. വണ്ടികളുടെ എണ്ണം പെരുകിയതിനാല്‍ ഗേറ്റുകള്‍ ഇടയ്ക്കിടെ അടഞ്ഞുകിടക്കുന്നത് അടിയന്തരമായി ആസ്​പത്രിയിലെത്തേണ്ട രോഗികള്‍ക്ക് പ്രയാസമാകുന്നുണ്ട്.