കാഞ്ഞങ്ങാട് നിത്യാനന്ദ പോളിടെക്‌നിക്കിലെ വിദ്യാര്‍ഥി മരിച്ചു

പെരിയ: പരീക്ഷ എഴുതാന്‍ ഓപ്പറേഷന്‍ നീട്ടിവെച്ച എന്‍ജിനീയറിങ് വിദ്യാര്‍ഥി മരിച്ചു. നിടുവോട്ടുപാറയിലെ നാരായണന്റെയും കമലാക്ഷിയുടെയും മകന്‍ എന്‍.അഭിലാഷ് (19) ആണ് മരിച്ചത്. കാഞ്ഞങ്ങാട് നിത്യാനന്ദ പോളിടെക്‌നിക്കിലെ മെക്കാനിക്കല്‍ എന്‍ജിനീയറിങ് ഒന്നാം വര്‍ഷ വിദ്യാര്‍ഥിയാണ്. ഹെര്‍ണിയ അസുഖം ബാധിച്ച അഭിലാഷ് ബുധനാഴ്ച തുടങ്ങുന്ന പരീക്ഷക്ക് ശേഷം ശസ്ത്രക്രിയ മതിയെന്ന് ഡോക്ടറോട് പറഞ്ഞിരുന്നു. വേദനക്കുള്ള മരുന്ന് കഴിച്ച് പഠനം തുടര്‍ന്ന അഭിലാഷിനെ രോഗം മൂര്‍ച്ഛിച്ചതിനെ തുടര്‍ന്ന് മംഗലാപുരത്തെ സ്വകാര്യ ആസ്​പത്രിയില്‍ എത്തിച്ചുവെങ്കിലും മരണം സംഭവിച്ചു. പഠനത്തില്‍ മിടുക്കനായ അഭിലാഷിന്റെ മരണം നാടിനെ ദുഃഖത്തിലാഴ്ത്തി. സഹോദരങ്ങള്‍: അഭിത, അജിത.