ശാന്തിക്കാരന്റെ ഇല്ലത്തിന് കരിഓയില്‍ ആക്രമണം

on Apr 11, 2010

കാഞ്ഞങ്ങാട്: രാവണീശ്വരത്തെ തണ്ണോട്ട് ക്ഷേത്രം ശാന്തിക്കാരന്റെ ഇല്ലത്തിന് നേരെ കരിഓയില്‍ ആക്രമണം. തണ്ണോട്ട് വിഷ്ണുമൂര്‍ത്തി ക്ഷേത്രം ശാന്തിക്കാരന്‍ എ.പി.കൃഷ്ണന്‍ നമ്പൂതിരിയുടെ പെരുസൂതരായര്‍ ഇല്ലമാണ് വെള്ളിയാഴ്ച രാത്രി ഒരു സംഘം ആളുകള്‍ കരിഓയിലൊഴിച്ച് വൃത്തികേടാക്കിയത്. കൃഷ്ണന്‍ നമ്പൂതിരിയുടെ കൃഷിസ്ഥലത്തിന് നേരെയും അക്രമം നടന്നു. ഒന്നര ഏക്കര്‍ പറമ്പിലെ കൃഷി നനക്കുന്നതിനുള്ള സ്ര്പിംഗ്ലറുകള്‍ മുറിക്കുകയും പൈപ്പുകള്‍ നശിപ്പിക്കുകയും ചെയ്തു. അക്രമം നടക്കുമ്പോള്‍ കൃഷ്ണന്‍ നമ്പൂതിരിയും കുടുംബവും തണ്ണോട് വിഷ്ണുക്ഷേത്രത്തില്‍ ഉത്സവത്തിന് പോയിരിക്കുകയായിരുന്നു. തങ്ങള്‍ തിരിച്ചെത്തിയപ്പോള്‍ അക്രമം നടത്തുന്നവര്‍ ഓടിരക്ഷപ്പെട്ടെന്ന് അദ്ദേഹം പറഞ്ഞു.

0 comments:

Post a Comment

DESIGN AND CONCEPT By Shafi Mubarak, Chithari ശാഫി മുബാറക്ക് ചിത്താരി Email :shafichithari@gmail.com