പടിഞ്ഞാറെക്കര വായനശാല അമ്പതാം പിറന്നാള്‍ ആഘോഷിക്കുന്നു

അജാനൂര്‍: പടിഞ്ഞാറെക്കര യുവജനവായനശാലയുടെ അമ്പതാം പിറന്നാള്‍ ജനുവരി 26 മുതല്‍ ഒരു വര്‍ ഷം നീണ്ടു നില്‍ക്കുന്ന പരിപാടികളോടെ ആഘോഷിക്കും. 26ന്‌ അഞ്ച്‌ മണിക്ക്‌ പടിഞ്ഞാറെക്കര ജ്യോതി ക്ലബ്ബ്‌ പരിസരത്ത്‌ ഗ്രാമപഞ്ചായത്ത്‌ പ്രസിഡണ്ട്‌ ചെറാക്കോട്ട്‌ കുഞ്ഞിക്കണ്ണന്‍ പരിപാടി ഉദ്‌ഘാടനം ചെയ്യും. പഞ്ചായത്ത്‌ വൈസ്‌ പ്രസിഡണ്ട്‌ സി.മൊയ്‌തു അദ്ധ്യക്ഷത വഹിക്കും. വായനശാല സ്ഥാപകപ്രസിഡണ്ട്‌ പരേതനായ അഡ്വ.പി.വേണുഗോപാലന്‍ നായരുടെ ഛായാചിത്രം ജില്ലാ ലൈബ്രറി കൗണ്‍സില്‍ സെക്രട്ടറി അഡ്വ.പി.അപ്പുക്കുട്ടന്‍ അനാഛാദനം ചെയ്യും. സ്ഥാപക സെക്രട്ടറി എം.ബാലകൃഷ്‌ണന്‍ നായരെ ജില്ലാ ലൈബ്രറി കൗണ്‍സില്‍ പ്രസിഡണ്ട്‌ പി.അമ്പു മാസ്റ്റര്‍ പൊന്നാട അണിയിച്ച്‌ മുഖ്യപ്രഭാഷണം നടത്തും. കെ.രാധാകൃഷ്‌ണന്‍ നായര്‍, ടി.വി.കുഞ്ഞിരാമന്‍ മാസ്റ്റര്‍, പി.മുഹമ്മദ്‌ കുഞ്ഞി മാസ്റ്റര്‍, എന്‍.വി.അരവിന്ദാക്ഷന്‍ പ്രസംഗിക്കും. തുടര്‍ന്ന്‌ കലാപരിപാടികളുമുണ്ടാകും.