മുട്ടുന്തല മഖാം ഉറൂസിന് ഒരുക്കങ്ങളായി

on Jan 6, 2010



ജനവരി 7 മുതല്‍ 11 വരെയാണ് ഉറൂസ്


മുട്ടുന്തല മഖാം ഉറൂസിന് ഒരുക്കങ്ങളായതായി കമ്മിറ്റി ഭാരവാഹികള്‍ അറിയിച്ചു. ജനവരി ഏഴുമുതല്‍ 11 വരെയാണ് ഉറൂസ്. ഏഴിന് നീലേശ്വരം ഖാസി ഇ.കെ.മഹമൂദ് മൗലവി ഉദ്ഘാടനം ചെയ്യും. മുട്ടുന്തല മുസ്‌ലിം ജമാഅത്ത് ഖത്തീബ് കുഞ്ഞാലി സഅദി അധ്യക്ഷനാകും.

'ചിന്നിച്ചിതറുന്ന ബന്ധങ്ങള്‍' എന്ന വിഷയത്തില്‍ അബ്ദുള്‍നാസര്‍ അഹ്‌സനി മടവൂര്‍ മുഖ്യപ്രഭാഷണം നടത്തും. വെള്ളിയാഴ്ച രാത്രി സുബൈര്‍ തോട്ടിക്കലും സംഘവും 'ബുറാക്കായുടെ മകള്‍' കഥാപ്രസംഗം അവതരിപ്പിക്കും.

ശനിയാഴ്ച രാത്രി പ്രവാസികളുടെ കണ്ണീര്‍ കാണാനാരുണ്ട് എന്ന വിഷയത്തില്‍ അബ്ദുള്‍സലാം മുസ്‌ലിയാര്‍ ദേവര്‍ശോല സംസാരിക്കും. ഞായറാഴ്ച രാത്രി പരലോക ചിന്തകള്‍ എന്നതിനെക്കുറിച്ച് ഷൗക്കത്തലി വെള്ളമുണ്ട പ്രഭാഷണം നടത്തും. സയ്യിദ് സൈനുദ്ദീന്‍ അല്‍ബുഖാരി ലക്ഷദ്വീപിന്റെ നേതൃത്വത്തില്‍ ദിഖ്‌റ് ഹല്‍ഖയും കൂട്ടപ്രാര്‍ഥനയും നടത്തും. തിങ്കളാഴ്ച ളുഹുര്‍ നിസ്‌കാരവും മൗലീദ് പാരായണവും ഖത്തം ദുആയും നടക്കും. അന്നദാനത്തോടെ സമാപിക്കും.

പത്രസമ്മേളനത്തില്‍ സണ്‍ലൈറ്റ് അബ്ദുറഹിമാന്‍ ഹാജി, മുഹമ്മദ് ഹസ്സന്‍, കുഞ്ഞാലി സഅദി, അസൈനാര്‍ അബ്ദുള്ള തുടങ്ങിയവര്‍ പങ്കെടുത്തു.

0 comments:

Post a Comment

DESIGN AND CONCEPT By Shafi Mubarak, Chithari ശാഫി മുബാറക്ക് ചിത്താരി Email :shafichithari@gmail.com