ചിത്താരി മുക്കൂടില്‍ ലീഗ്‌-സി.പി.എം സംഘര്‍ഷം; കാറുകളും വീടുകളും തകര്‍ത്തു

on Nov 4, 2009

കാഞ്ഞങ്ങാട്‌: ചിത്താരി മുക്കൂടില്‍ സി.പി.എം - ലീഗ്‌ സംഘര്‍ഷം. വീടുകള്‍ക്കും കാറുകള്‍ക്കും നേരെ അക്രമം നടന്നു. മൂന്നുപേര്‍ക്ക്‌ പരിക്കേറ്റു. സി.പി.എം പ്രവര്‍ത്തകരായ രാവണീശ്വരം പൊടിപള്ളത്തെ ചാപ്പയില്‍ രതീഷ്‌(24), പി.സുധീഷ്‌(27), പ്രമോദ്‌(28) എന്നിവര്‍ക്കാണ്‌ പരിക്കേറ്റത്‌. ഇവരെ കാഞ്ഞങ്ങാട്‌ ജില്ലാ ആസ്‌പത്രിയില്‍ പ്രവേശിപ്പിച്ചു. സംഭവത്തില്‍ ആറുപേര്‍ക്കെതിരെ ബേക്കല്‍ പോലീസ്‌ കേസെടുത്തു. സി.പി.എം പ്രവര്‍ത്തകനായ ഹസൈനാറിന്റെ വീടിനുനേരെ കല്ലെറിഞ്ഞ അക്രമികള്‍ ജനലുകളും വീടിന്റെ മുന്നില്‍ നിര്‍ത്തിയിട്ടിരുന്ന ആള്‍ട്ടോ, ഇന്‍ഡിക്ക കാറുകളും അടിച്ച്‌ തകര്‍ക്കുകയായിരുന്നു. അതേസമയം മുക്കൂടിലെ ലീഗ്‌ പ്രവര്‍ത്തകനായ മുഹമ്മദ്‌ കുഞ്ഞിയുടെ വീടിന്‌ നേരെയും അക്രമം നടന്നു. അക്രമത്തില്‍ ജനല്‍ച്ചില്ലുകള്‍ തകര്‍ന്നു. തിങ്കളാഴ്‌ച അര്‍ധരാത്രിയോടെയാണ്‌ സംഭവം. മുക്കൂട്‌ ശാഖ മുസ്ല്‌ളിംലീഗ്‌ സമ്മേളനം കഴിഞ്ഞ്‌ ബൈക്കില്‍ മടങ്ങവെ യൂത്ത്‌ ലീഗ്‌ പ്രവര്‍ത്തകരെ തിങ്കളാഴ്‌ച ഒരുസംഘം മര്‍ദിച്ചിരുന്നു.

0 comments:

Post a Comment

DESIGN AND CONCEPT By Shafi Mubarak, Chithari ശാഫി മുബാറക്ക് ചിത്താരി Email :shafichithari@gmail.com