പെരുങ്കളിയാട്ടം: അറിവനുഭവ സെമിനാര്‍ നാളെ

കാഞ്ഞങ്ങാട്: മാണിക്കോത്ത് മാണിക്യമംഗലം പുന്നക്കാല്‍ ഭഗവതിക്ഷേത്ര പെരുങ്കളിയാട്ടത്തിന്റെ ഐതിഹ്യവും പുരാവൃത്തവും ശേഖരിച്ച് ഏകോപിപ്പിക്കുന്നതിനായി ക്ഷേത്രേശസംഗമവും അറിവനുഭവസെമിനാറും 22ന് രണ്ടുമണിക്ക് ക്ഷേത്രപരിസരത്ത് നടക്കും. ഒന്നര നൂറ്റാണ്ടിനുമുമ്പ് നടന്ന പെരുങ്കളിയാട്ടം എങ്ങനെയായിരുന്നുവെന്ന കേട്ടറിവുകഥകള്‍ പ്രായമായവര്‍ ചര്‍ച്ചചെയ്യും.

മുകയരുടെ വംശീയത, തെയ്യങ്ങളും അനുഷ്ഠാനങ്ങളും, 11 താനങ്ങളും തറവാടുകളും, തൊഴില്‍, വിവാഹം, മരണാനന്തരച്ചടങ്ങുകള്‍ തുടങ്ങി നിരവധി വിഷയങ്ങള്‍ സെമിനാറില്‍ പങ്കുവെക്കും. സംഗമവും സെമിനാറും ഫോക്‌ലോര്‍ അക്കാദമി സെക്രട്ടറി ഡോ. എ.കെ.നമ്പ്യാര്‍ ഉദ്ഘാടനംചെയ്യും.