മാണിക്കോത്ത് പെരുങ്കളിയാട്ടം; മൂലാരൂഢ സ്ഥാന ശുചീകരണം നടത്തി

കാഞ്ഞങ്ങാട്: മാണിക്കോത്ത് മാണിക്യ മംഗലം പുന്നക്കാല്‍ ഭഗവതി ക്ഷേത്ര മൂലാരൂഢ സ്ഥാനത്ത് ശുചീകരണം നടത്തി. പുന്നക്കാല്‍ ഭഗവതി ആദ്യമായി കുടിയിരുന്ന രൂഢ സ്ഥാനം മാണിക്കോത്ത് റെയില്‍പാതയ്ക്ക് പടിഞ്ഞാറു വശത്താണ്. ഇവിടെ ചെത്തിക്കോരി വൃത്തിയാക്കി പന്തല്‍ പണിയും. പെരുങ്കളിയാട്ടത്തിന് മുന്നോടിയായി ഇവിടെ നിന്നും ദീപവും തിരിയും ക്ഷേത്രത്തിലേക്ക് എഴുന്നള്ളിക്കും. ശുചീകരണ പ്രവര്‍ത്തനങ്ങള്‍ക്ക് കെ. വേണുഗോപാലന്‍ നമ്പ്യാര്‍, കണ്‍വീനര്‍ മുട്ടത്ത് ജയചന്ദ്രന്‍ എന്നിവര്‍ നേതൃത്വം നല്‍കും.