വീട്ടില്‍ തൂങ്ങിമരിച്ച നിലയില്‍ കണ്ടെത്തി

കാഞ്ഞങ്ങാട്‌: ഭര്‍തൃപീഡനത്തെ തുടര്‍ന്ന്‌ സ്വന്തംവീട്ടില്‍ വന്ന്‌ താമസിക്കുന്ന നവവധുവിനെ കിടപ്പുമുറിയില്‍ തൂങ്ങിമരിച്ച നിലയില്‍ കണ്ടെത്തി. ചിത്താരി കൊട്ടിലങ്ങാട്ടെ സുജിത(22)യെയാണ്‌ സ്വന്തം വീട്ടില്‍ തൂങ്ങിമരിച്ച നിലയില്‍ കണ്ടെത്തിയത്‌. കാലിച്ചാംപൊതിയിലെ ബാബുവാണ്‌ ഭര്‍ത്താവ്‌. ആറ്‌ മാസം മുന്‍പാണ്‌ സുജിതയും ബാബുവും വിവാഹിതരായത്‌. ഞായറാഴ്‌ച രാത്രിയാണ്‌ യുവതി സ്വന്തം വീട്ടില്‍ തൂങ്ങിമരിച്ച നിലയില്‍ കണ്ടെത്തിയത്‌. ഭര്‍ത്താവിന്റെയും വീട്ടുകാരുടെയും പീഡനത്തെ തുടര്‍ന്ന്‌ മാസങ്ങളോളമായി സ്വന്തം വീട്ടില്‍ വന്ന്‌ താമസിക്കുകയായിരുന്നു സുജിത. ഹൊസ്‌ദുര്‍ഗ്‌ പോലീസ്‌ ഇന്‍ക്വസ്‌റ്റ്‌ നടത്തിയ മൃതദേഹം കാഞ്ഞങ്ങാട്‌ ജില്ലാ ആശുപത്രി മോര്‍ച്ചറയിലേക്ക്‌ മാറ്റി.