ചിത്തരിയില്‍ മൊബൈല്‍ഫോണ്‍ മോഷ്ടാവ് അറസ്റില്‍

കാഞ്ഞങ്ങാട്: മോഷണക്കേസില്‍ ഒരാഴ്ചമുമ്പ് ജാമ്യത്തിലിറങ്ങിയ തളങ്കര സ്വദേശിയെ മോഷ്ടിച്ച രണ്ട് മൊബൈല്‍ ഫോണുകളുമായി ഹൊസ്ദുര്‍ഗ് പൊലീസ് അറസ്റുചെയ്തു. ചിത്താരി ഇലക്ട്രിസിറ്റി ഓഫീസിനടുത്ത് വാടക ക്വാര്‍ട്ടേഴ്സില്‍ താമസിക്കുന്ന റയിസ് എന്ന മുഹമ്മദ് റയീസിനെ (20)യാണ് എസ്.ഐ. ബിജു കെ. നായരും സംഘവും അറസ്റുചെയ്തത്. ഞായറാഴ്ച പുതിയ കോട്ടയില്‍ വെച്ചാണ് അറസ്റ്. തലശ്ശേരിക്കും കാഞ്ഞങ്ങാടിനുമിടയില്‍ തീവണ്ടിയില്‍ നിന്നാണ് മൊബൈല്‍ ഫോണ്‍ മോഷ്ടിച്ചത്. റയിസ് ഉള്‍പ്പെടെ മൂന്നുപേരെ ഏതാനും ആഴ്ചകള്‍ക്ക് മുമ്പാണ് ഹൊസ്ദുര്‍ഗ് സി.ഐ. കെ. അഷ്റഫും സംഘവും അറസ്റുചെയ്തത്.