കാഞ്ഞങ്ങാട് അപൂര്‍വയിനം മത്സ്യം ലഭിച്ചു

on Oct 11, 2010

നീലേശ്വരം: അഴിത്തല സ്വദേശികള്‍ക്ക് കടലില്‍ മീന്‍പിടിത്തത്തിനിടെ അപൂര്‍വ മത്സ്യം ലഭിച്ചു. അഴിത്തലയില്‍ നിന്ന് മീന്‍ പിടിക്കാന്‍ പുറംകടലിലേക്ക് പോയ 'ഇന്ത്യന്‍' ബോട്ടിലെ അബ്ദുള്ളയുടെ നേതൃത്വത്തിലുള്ള മത്സ്യത്തൊഴിലാളികള്‍ക്കാണ് അപൂര്‍വ ഇനത്തിലുള്ള കൂറ്റന്‍ മത്സ്യം ലഭിച്ചത്. വാള്‍ മത്സ്യം (സോര്‍ഡ് ഫിഷ്), സെയില്‍ ഫിഷ്, കൊമ്പന്‍ മത്സ്യം, ഓല മീന്‍ എന്നീ പേരുകളില്‍ അറിയപ്പെടുന്ന ഒരിനം മത്സ്യമാണ് ഇവര്‍ക്ക് ലഭിച്ചത്. എട്ടടിയോളം നീളമുള്ള മത്സ്യത്തിന് 200-ല്‍ അധികം കിലോ ഭാരമുണ്ട്. മത്സ്യത്തിന് ചിറകില്ല. കാഞ്ഞങ്ങാട് മാര്‍ക്കറ്റില്‍ എത്തിച്ച മത്സ്യം വില്പന നടത്തുകയായിരുന്നു.

0 comments:

Post a Comment

DESIGN AND CONCEPT By Shafi Mubarak, Chithari ശാഫി മുബാറക്ക് ചിത്താരി Email :shafichithari@gmail.com