വ്യാജ പാസ്‌പോര്‍ട്ട്: 3 പേര്‍ക്കെതിരെ കേസ്

കാഞ്ഞങ്ങാട്: വ്യാജ വിലാസത്തില്‍ പാസ്‌പോര്‍ട്ടിന് അപേക്ഷിച്ച മൂന്ന് പേര്‍ക്കെതിരെ ഹൊസ്ദുര്‍ഗ് പോലീസ് കേസെടുത്തു. കാഞ്ഞങ്ങാട് കൊളവയലിലെ ഖുല്‍സര്‍ ക്വാര്‍ട്ടേഴ്‌സിലെ അഹമ്മദ് പള്ളിപ്പറമ്പിന്റെ മകന്‍ അബൂബക്കര്‍ സിദ്ദിഖ് (37), രാവണീശ്വരം മുക്കോട്ടെ സുലൈമാന്റെ മകന്‍ അബൂബക്കര്‍ (48), പടന്നക്കാട് കരുവളത്തെ മൊഹമ്മദിന്റെ മകന്‍ അബ്ദുല്‍ ജബ്ബാര്‍ (44) എന്നിവര്‍ക്കെതിരെയാണ് കേസ്. പാസ്‌പോര്‍ട്ടില്‍ വ്യാജവിലാസവും, വ്യാജരേഖയും ഉണ്ടാക്കിയെന്നാണ് കേസ്.