രണ്ടുമാസം മുമ്പ് ഗള്‍ഫില്‍ മരിച്ച പുല്ലൂര്‍ സ്വദേശിയുടെ മൃതദേഹം സംസ്കരിച്ചു

കാഞ്ഞങ്ങാട്: രണ്ട്മാസം മുമ്പ് ഗള്‍ഫില്‍ മരിച്ച പുല്ലൂര്‍ സ്വദേശിയുടെ മൃതദേഹം സംസ്കരിച്ചു. പുല്ലൂര്‍ മധുരമ്പാടിയിലെ ചാളിവെളിച്ചപ്പാടിന്‍െ മകന്‍ മഹേഷ് (22)ആണ് സൌദിഅറേബ്യയില്‍ താമസസ്ഥലത്ത് മരിച്ചത്. ഒരു വര്‍ഷം മുമ്പാണ് മഹേഷ് ഗള്‍ഫിലെത്തിയത്. ആദ്യസ്പോണ്‍സര്‍ കൈയൊഴിഞ്ഞതോടെ ചിലര്‍ ഇടപെട്ട് മുന്‍സിപ്പാലിറ്റിയില്‍ തരക്കേടില്ലാത്ത ജോലിവാങ്ങികൊടുത്തു. ഈ ജോലി കൊണ്ട് കുടുംബം പച്ചപിടിച്ചുകൊണ്ടിരിക്കെയാണ് മരണം തട്ടിയെടുത്തത്. ജോര്‍ദ്ദാന്‍ അതിര്‍ത്തിയിലായിരുന്നു ജോലി. ഉറക്കത്തിനിടയിലാണ് മരിച്ചത്. ആദ്യസ്പോണ്‍സര്‍ കൈവിട്ടതിനാലാണ് മൃതദേഹം നാട്ടിലെത്താന്‍ വൈകിയത്. സൌദിയിലെ മലയാളികളുടെ സംഘടനയായ ഹിറാദിന്റെ പ്രവര്‍ത്തകരാണ് മുന്‍കൈയ്യെടുത്ത് എംബസി വഴി രേഖകള്‍ ശരിയാക്കികൊടുത്ത് മൃതദേഹം നാട്ടിലെത്തിക്കാന്‍ സഹായിച്ചത്. ഇന്നലെയാണ് മൃതദേഹം കൊണ്ടുവന്നത്. അമ്മ: കാര്‍ത്യയനി.