കടല്‍ഭിത്തിയില്ല; ചിത്താരി നിവാസികള്‍ ഭീതിയില്‍

അജാനൂര്‍: കടല്‍ക്ഷോഭത്തെ തടയാന്‍ ഭിത്തിനിര്‍മാണത്തിനുള്ള നടപടി എങ്ങുമെത്തിയില്ല. ചിത്താരി ഉപദ്വീപ് നിവാസികള്‍ ഭീതിയുടെ നിഴലില്‍. കനത്ത കാലവര്‍ഷം മൂലം കടല്‍ക്ഷോഭം ശക്തിപ്പെടുമ്പോള്‍ ഇരുനൂറിലേറെ കുടുംബങ്ങള്‍ ഭീതിയുടെ നിഴലിലാണ് രാപകലുകള്‍ കഴിച്ചുകൂട്ടുന്നത്. ഇവിടെ തീരവും കടലും തമ്മില്‍ 200 മീറ്റര്‍ വരെ അകലമുണ്ടായിരുന്നു. 50 മീറ്ററോളം കടല്‍ കയറി ഇപ്പോള്‍ 150 മീറ്ററായി കുറഞ്ഞിരിക്കുകയാണ്. വര്‍ഷംതോറും നിരവധി തെങ്ങുകളാണ് കടലെടുക്കുന്നത്. ഒരുവശത്ത് കടലിന്റെ ആക്രമണവും മറുഭാഗത്ത് ചിത്താരിപ്പുഴയുടെ കവിഞ്ഞൊഴുക്കും ദീപ് നിവാസികളുടെ ദുരിതം ഇരട്ടിപ്പിക്കുന്നു. കടല്‍ഭിത്തി ഉടന്‍ നിര്‍മിച്ച് ദുരന്തഭീതിയില്‍നിന്ന് രക്ഷിക്കണമെന്നാണ് നാട്ടുകാരുടെ ആവശ്യം.