മിനി ഹാര്‍ബറിനായി രാഷ്ട്രീയം മറന്ന്‌ രംഗത്തിറങ്ങണം-പി.കരുണാകരന്‍

on Sep 12, 2009

കാഞ്ഞങ്ങാട്‌: അജാനൂരില്‍ മിനി ഹാര്‍ബര്‍ നേടിയെടുക്കാന്‍ രാഷ്ട്രീയം മറന്ന്‌ ഒറ്റക്കെട്ടായി രംഗത്തിറങ്ങണമെന്ന്‌ പി.കരുണാകരന്‍ എം.പി പറഞ്ഞു. ചിത്താരിയില്‍ മിനി ഹാര്‍ബര്‍ വേണമെന്നാവശ്യപ്പെട്ട്‌ ഹാര്‍ബര്‍ ആക്ഷന്‍ കമ്മിറ്റിയുടെ നേതൃത്വത്തില്‍ ഫിഷറീസ്‌ ഡി.ഡി ഓഫീസിലേക്ക്‌ നടത്തിയ മാര്‍ച്ച്‌ ഉദ്‌ഘാടനം ചെയ്യുകയായിരുന്നു അദ്ദേഹം. ഉദ്യോഗസ്ഥരുടെ പിടിപ്പ്‌കേട്‌ മൂലമാണ്‌ സാധ്യതാ പഠനം പോലും നടത്താതെ പദ്ധതി ഇല്ലാതായതെന്ന്‌ അദ്ദേഹം കുറ്റപ്പെടുത്തി. അജാനൂര്‍ പഞ്ചായത്ത്‌ പ്രസിഡന്റ്‌ ചെറാക്കോട്ട്‌ കുഞ്ഞിക്കണ്ണന്‍ അധ്യക്ഷനായി. വി.ഗോപി, അഡ്വ. യു.എസ്‌.ബാലന്‍, പി.മുഹമ്മദ്‌കുഞ്ഞിമാസ്റ്റര്‍, കാറ്റാടി കുമാരന്‍, അഡ്വ. ഗോവിന്ദന്‍ പള്ളിക്കാപ്പില്‍, എ.വി.രാമകൃഷ്‌ണന്‍, എ.ഹമീദ്‌ ഹാജി, ബഷീര്‍ വെള്ളിക്കോത്ത്‌, വി.കമ്മാരന്‍, അനിത മോഹനന്‍ എന്നിവര്‍ പ്രസംഗിച്ചു. എ.ആര്‍.രാമകൃഷ്‌ണന്‍ സ്വാഗതം പറഞ്ഞു. മാര്‍ച്ച്‌ കുറുംബ ഭഗവതി ക്ഷേത്ര പരിസരത്ത്‌ നിന്ന്‌ തുടങ്ങി. ക്ഷേത്ര സ്ഥാനികരും ആക്ഷന്‍ കമ്മിറ്റി ഭാരവാഹികളും നേതൃത്വം നല്‌കി.

0 comments:

Post a Comment

DESIGN AND CONCEPT By Shafi Mubarak, Chithari ശാഫി മുബാറക്ക് ചിത്താരി Email :shafichithari@gmail.com