ബേക്കല്‍ ഉപജില്ലാ കലോത്സവം വെള്ളിക്കോത്ത്

ഡിസംബര്‍ എട്ട് മുതല്‍ 11 വരെ വെള്ളിക്കോത്ത് മഹാകവി പി.സ്മാരക ഗവ. വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ നടക്കുന്ന ബേക്കല്‍ ഉപജില്ലാ സ്‌കൂള്‍ കലോത്സവത്തിന്റെ ഒരുക്കങ്ങള്‍ പൂര്‍ത്തിയായതായി സംഘാടകര്‍ പത്രസമ്മേളനത്തില്‍ അറിയിച്ചു.

ബേക്കല്‍ ഉപജില്ലയിലെ 66 സ്‌കൂളുകളിലെ എല്‍.പി, യു.പി, ഹൈസ്‌കൂള്‍, ഹയര്‍ സെക്കന്‍ഡറി, വി.എച്ച്.എസ്.ഇ. വിഭാഗങ്ങളില്‍ നിന്നുള്ള 2422 വിദ്യാര്‍ഥികള്‍ 256 ഇനങ്ങളിലായി മാറ്റുരക്കും.

കലോത്സവത്തിന്റെ ഔപചാരിക ഉദ്ഘാടനം ഒമ്പതിന് 5 മണിക്ക് ജില്ലാ പഞ്ചായത്ത് പ്രസിഡന്റ് എം.വി.ബാലകൃഷ്ണന്‍ നിര്‍വഹിക്കും.

സ്റ്റേജ് ഇതര മത്സരങ്ങള്‍ എട്ട്, ഒമ്പത് തീയതികളില്‍ നടക്കും. സമാപന സമ്മേളനം 11ന് 5 മണിക്ക് കെ.വി.കുഞ്ഞിരാമന്‍ എം.എല്‍.എ. ഉദ്ഘാടനം ചെയ്യും.

പത്രസമ്മേളനത്തില്‍ സംഘാടക സമിതി ചെയര്‍മാന്‍ ചെറാക്കോട്ട് കുഞ്ഞിക്കണ്ണന്‍, കണ്‍വീനര്‍ കെ.കൃഷ്ണന്‍, വര്‍ക്കിങ് ചെയര്‍മാന്‍ കാറ്റാടി കുമാരന്‍, എ.ഇ.ഒ. ജി.കെ.ശ്രീകണ്ഠന്‍ നായര്‍ എന്നിവര്‍ പങ്കെടുത്തു.