മെട്രോ മുഹമ്മദ്‌ ഹാജി യുടെ നേത്രത്തില്‍ ചെര്‍ക്കളയില്‍ മെഡിക്കല്‍ കോളജ്‌ വരുന്നു

മെട്രോ മുഹമ്മദ്‌ ഹാജി യുടെ നേത്രത്തില്‍ ചെര്‍ക്കളയില്‍ മെഡിക്കല്‍ കോളജ്‌ വരുന്നു
കാസര്‍കോട്‌: മെഡിക്കല്‍ കോളജ്‌ ചെര്‍ക്കളയില്‍ സ്ഥാപിക്കുവാന്‍ ചെയര്‍മാന്‍ ചെര്‍ക്കളം അബ്‌ദുള്ളയുടെ അധ്യക്ഷതയില്‍ ചേര്‍ന്ന കാസര്‍കോട്‌ മെഡിക്കല്‍ കോളജ്‌ ആന്റ്‌ ഇസ്റ്റിറ്റിയൂഷന്‍സ്‌ കമ്പനി ഡയറക്‌ടര്‍ ബോര്‍ഡ്‌ യോഗം തീരുമാനിച്ചു. കമ്പനി ഡയറക്‌ടര്‍മാരായി ഡോ. മൂസക്കുഞ്ഞി, കല്ലട്ര ഇബ്രാഹിം, സി.എ.അഹമ്മദ്‌ ഹാജി ചെര്‍ക്കള എന്നിവരെകൂടി നാമനിര്‍ദ്ദേശം ചെയ്‌തു. 150 കോടി രൂപ ചിലവിലാണ്‌ പദ്ധതി നടപ്പിലാക്കുക. ആദ്യഘട്ടം 15 പാരാമെഡിക്കല്‍ സ്ഥാപനങ്ങളും രണ്ടാംഘട്ടം 500 കിടക്കകളുള്ള മെഡിക്കല്‍ കോളജ്‌ ആസ്‌പത്രിയും മൂന്നാം ഘട്ടം മെഡിക്കല്‍ കോളജും ഡെന്റല്‍ കോളജും സ്ഥാപിക്കും. യോഗത്തില്‍ മാനേജിംഗ്‌ ഡയറക്‌ടര്‍ ഡോ. കെ. സക്കരിയ്യ, ഡയറക്‌ടര്‍മാരായ മെട്രോ മുഹമ്മദ്‌ ഹാജി, പാദൂര്‍കുഞ്ഞിമാഹിന്‍ ഹാജി, ടി.പി.കുഞ്ഞബ്‌ദുല്ല, സി. പക്രുകുഞ്ഞി, കമ്പനി സെക്രട്ടറി എ.എം.ആഷിഖ്‌ സംബന്ധിച്ചു.