ചിത്താരി: പെട്രോള്‍ ‍പമ്പ്‌ നിര്‍മ്മാണം തുടങ്ങി

കാഞ്ഞങ്ങാട്‌: ചിത്താരി ചാമുണ്‌ഡിക്കുന്നിലെ പെട്രോള്‍ ബങ്കിന്റെ നിര്‍മ്മാണ പ്രവര്‍ത്തികള്‍ തടസ്സപ്പെട്ട സംഭവം ഒത്തുതീര്‍പ്പിലായി. വീണ്ടും നിര്‍മ്മാണം തുടങ്ങി. പെട്രോള്‍ബങ്കിന്റെ പരിസരത്തുള്ള സ്ഥലമുടമയുടെ അനുവാദമില്ലാതെ ബങ്ക്‌ തുടങ്ങാനുള്ള നീക്കത്തിനെതിരെ സ്വകാര്യ വ്യക്തി കോടതിയെ സമീപിച്ചതോടെയാണ്‌ ബങ്ക്‌നിര്‍മ്മാണം തടസ്സപ്പെട്ടത്‌. കാഞ്ഞങ്ങാട്‌ സംയുക്ത ജമാഅത്ത്‌ പ്രസിഡന്റ്‌ മെട്രോമുഹമ്മദ്‌ ഹാജിയുടെ മധ്യസ്ഥതയാല്‍ ഇരുകൂട്ടരും നടത്തിയ ചര്‍ച്ചയില്‍ പെട്രോള്‍ബങ്ക്‌ നിര്‍മ്മാണം പുനരാരംഭിക്കാന്‍ തീരുമാനമായി. ഇന്ത്യന്‍ ഓയില്‍ കോര്‍പ്പറേഷന്‍ (കണ്ണൂര്‍) റീജിയണല്‍ ഡയറക്‌ടര്‍ അനില്‍ കുമാറും ദീപാജ്വല്ലറി ഉടമ നാഗരാജനും മധ്യസ്ഥ ചര്‍ച്ചയില്‍ പങ്കെടുത്തു.